MASKOTEKIN JOLASTUZ UMEA SOZIALIZATU EGIN DAITEKE

Hainbat ikerketak erakutsi dutenez,animaliekin edo maskotekin  jolasten duten umeak besteekin harremantzeko arazo gutxiago izaten dute,errespontsabilitate gehiago adierazten dute hainbat egoeratan,eta gainera sistema inmunologiko gogorragoa izan ohi dute.
Psikologiako aditu batzuk diotenez,beste animali batzuen artean,txakurrak, giza erlazioetan "barrerak apurtzen dituzte": bereziki etxeko ume bakarra izanezko kasuan, hauek normalean arazo gehiago izaten baitute beste ume zein nagusi batzuekin komunikatzeko.
Orokorrean maskotekin izandako kontaktu goiztiarrak oso onuragarriak suertatzen dira.Hau horrela izanda, animali asko erabiltzen dira terapietan, bai ume autistekin baita elbarriekin ere.Amparo Forteak esaten duen bezala,autoestima eta ardura hazi egiten dira, eta oso interesgarria baita,oraindik umeen pertsonalitatea eta izateko era garatzen ari delako (3-7 urte bitartean)."Biharko egunean izango naizenera" jolasten ari diren artean gainera, babestuago sentitzen dira maskota baten ondoan.
Txakurrek, aurrez aipatutako kualitate hauek bermatzeko erraztasun gehien duten animaliak dira.Izan ere, animalia leial hauek, umeak eurekin identifikatzeko kapazitatea handia daukate aurpegiko gestuekin eratzen duten expresioari eta zaunka egiteko erari esker.
Gainera, gure "txikien" adina eta neurria ikusita, txakur batzuk beste batzuk baino gomendagarriagoak izan daitezke.Pastor Belga arrazakoak edota Golden Retriever-ak izaten dira normalean egokienak umeekin bizitzeko.



Maskotekin jarduera eta kirol asko egiteko aukera ere gogoan izan behar dugun beste abantaila garrantzitsu bat da.Korrika egitea, bizikletan pasiatzea, frisbya edo egur zatiak botatzea gero berak ekar ditzan... Mota honetako jardueren bidez umeak kirol mundua ezagutzen du, konpetitibitatearen baloreak ikasten ditu, eta egunero gauzak hobetzearen sentimendua bereganatzen ditu.Guzti honekin bizitza aktiboago,sozialakoa eta azken finean osasuntsuagoa egiteko aukera paregabea dauka."Oso ondo sentitzen dira horrela umeak " gehitzen dute adituek.
Bestalde, Estatu Batuetako  Delta Society-k egindako ikerketa batzuen ondorioz, ondo jakina da eskolaratze aldian dauden umeek etxean katu edo txakur bat eukita asma edo rinitisa bezalako alergia batzuk izateko probabilitate txikiagoa dutela.
Aski ezaguna da pertsona nagusietan ere sortzen duten bizipoza eta gertutasuna ere.Umeak ere, dauzkaten arazoak denbora batez alboratzea lortzen dute animaliak zaintzen dituztenean.Eta hau izaten da animaliekin egiten den terapietan izaten den efekturik positiboena."Egunero egiteko konstante batzuk eukitzeak ,umeari bizitza antolatzeko erraztasuna ematen diote" azpimarratzen dute azkenik adituek.

KIROLA:OSASUNEZ BETERIKO HAURRA GARATZEN

Umeentzat, kirolaren definizioa joko eta dibertsio hitzekin lotu dezakegu.Gurasoek,euren txikitxoak gozatzen daudela ikusteaz gain,badakite gorputz hezkuntza zein kirola,erregularki egiten denean,nerabezarorako eta baita pertsona heldu izango garenerako hainbat gaixotasun ekiditzeko medio egokiena dela: obesitatea edo osteoporosia,adibidez.Gainera txikiak garenean ere,asmari aurre egiteko ezin dezakegu inoiz ere albo batean utzi.
Txiki-txikitatik,kirolaren bidez,gure hezur eta muskuluak garatzen doaz,eta bestalde joera kardiobaskular egokia mantentzea lortzen dugu.Baina gure gorputzaren osaketaz gain,umeek honen bitartez euren buruarekin konfiantza gehiago izaten, autoestima hobetzen, eta beste kideekin errazago harremantzen ikasten dute.

Gainera, kirolaren bidez,besteak beste solidaritatea eta anaitasuna bezalako balore garrantzitsuak  bereganatzen dituzte gure haurrek;eta modu berean baloreak ikasteko eta interpretatzeko terapia dibertigarritzat har dezakete kirola.

Gaur egun,teknologia berriak direla eta,gero eta gehiago dira bizitza moda sedentario bat egiten duten umeak,nahiago izaten dutelako telebista aurrean edo bideokontsoletan jolasten hainbat ordu igarotzea.Baina esan beharra dago gauza guztiak egiteko denbora badaukagula,eta kirolari ere denbora bat eskaini behar diogula,ezin bait dugu eta inolaz ere alboratu.
Gaurko sarrera honekin bukatzeko,esandakoa laburbiltzen duen esalditxo esanguratsu bat utziko dizuet jarraitzaileoi:
"Jarduera fisiko egokitu batek, erlazionatzeko arazoak dituen ume bati, beste ume batzuekin hobeto harremantzen lagun diezaioke,baita bere inguruarekin eta bere buruarekin hobeto sentitzen".